هو أنا مش عارفة أبتدي منين، بس أنا هاكتب بالعامية يمكن تقروا لأني مليش في تسجيل ساوند كلود أو أعمل فيديو بصوت مضحك نظام الدوبسماش ، او أي تقاليع طالعة جديدة.

الفكرة أني أكتب عن الحرب جت من أني شوفت فيديو مراسل بيسأل طلاب تاريخ اي هي حرب أكتوبر، أنا صدمت من الي سمعته و بجد كنت هعيط و كمان حاجة تانية الناس الي بتتمسخر على الحرب أحب أفكركوا لولها كان زمانكوا محتالين زي فلسطين .

حرب أكتوبر او حرب 73 ، السادس من أكتوبر  العاشر من رمضان و حطلي 100 خط تحت العاشر من رمضان، الحرب الي قامت يوم السبت مفاجأة لإسرائيل و رائعة تخطيط السادات أحسن رئيس مر في تاريخ مصر.

الحرب دي كان بيتخططلها من زمن و قامت على عن عنصر المفاجأة نفس الي الرسول صلى الله عليه و سلم  عمله في أحد غزواته و ده ساعد أننا ننتصر لانها كمان قامت يوم السبت يوم أجازة الاسرائلين، حسن التخطيط و أن الجيش معرفش الا يومها و كان بيتدرب دون المعرفة قبلها ساعد أكتر على ان الجواسيس ميوصلهمش اي معلومة عن الحرب، قامت الحرب و كات في رمضان و مع أن ربنا يسرها علينا اننا نفطر لكن الجنود صامت الايام دي و كانوا رجال بكل ما في الكلمة من معنى.

بنسبى للي بيقول مدينة 6 اكتوبر قامت فيها الحرب أت عبيط صح؟؟ او بتستعبط أكيد!!!!!

الحرب قامت في سيناء مش في القاهرة سيتك يا بتوع تاريخ و مفيش حاجة أسمها صلاة 6 اكتوبر او صوم اليوم ده لانه 6 اكتوبر

اقروا ابوس اديكوا او بطلوا فتي و أسكوتوا احسن بكتير من انكوا تفتوا

الناس الي بتتمسخر او بتهبل او بتفتي في تاريخنا يا ريت نصيحة انكوا تسكوتوا لان انتوا يتدمروا كل حاجة، احنا مش هانتقدم طول ما احنا منعرفش تاريخنا و لا بنقرا و لا عندنا مبادأ و لا صارحين مع نفسنا و بنفتي و بنغلط و منتأسفش و بنتمسخر على كل حاجة و فاكرين كدة احنا حلوين و بنقارن بينا و بين الأجانب بمنتهى القزارة و قلة الأدب و بنقول بتوع السياسة هما الوحشن ما هما من الشعب و الشعب زفت و وحش اكيد لازم يكونوا وحشين و منافقين و كدابين مش هايجبوه من بره…..

للأسف يا مصر لي أرضك الحق نصرخ ألف مرة و تقول يا رب أرحمني من الجهل و أخطر حهل جهل البيتعلموا و أرحمني من شر أهلي و ناسي الي بيشتموا فيا

الشر و الخطر مننا فينا و احنا الي بنضيع نفينا