الحياة عبارة عن تجارب، مفيش إنسان مبيغلطش، كلنا بنغلط، كلنا بنرتكب أخطاء في نظر كل إنسان أخطاء فادحة بل و قد تكون كارثية، بس ايه هو مفهوم الغلط و الصح؟ بنبني المفاهيم دي على اساس ايه؟

أساس المجتمع، العادات، التقاليد، الدين، المبادئ الشخصية و لا التجارب الي بنمر بيها؟؟

كل إنسان ليه أخطاء منها البسيط و منها البشع، منها الي بيتحل في يوم او أقل و منها الي بياحد شهر او أكتر عشان تحلها، منها الي بنقول عليه بسيطة كويس جت على قد كده و منها الي بنقول عليه ذنب فظيع و صعب جدا.

لكن وقفة مع النفس، الحياة مش انك تتولد و تكبر و تموت و لا انك تجوز و تخلف و تربي بس، و لا انك تنفي نفسك في شغل ما، الحياة عبارة عدة تحارب منها الكويس و منها الوحش، منها الصحيح و منها الغلط، فلما ترتكب غلط ما و تفضل تقول : أنا لازم أموت عشان أرتاح لازم أضرب نفسي او أعاقب نفسي او أني مريض او شيطان

الكلام ده كله غلط نفسيا مش طريقة صحيحة لمعرفة الغلط و تصحيحه، مش طريقة مناقشة، متحملش نفسك أكتر من طاقتها لأنك هتنهار و توقع و دي هنا سلبية.

ازاي أعالج و أصلح و أغير نفسي للأفضل؟ بأني أناقش نفسي صح بأني أسامح نفسح أحاول أصلح غلطي، بأني أقرب من ربنا ، أتعلم من الغلط و أحاول اني معملش نفس الغلط تاني.

ربنا خلقنا عشان نوقع و نتعلم و نصلح و نبني أحنا بشر خطائين، العادات و التقاليد و الأعراف مش هي الصح لأنها من عامل بشري بيغلط الصح هو أني أرجع لربنا ارجه لكلامه المقدس هو الحل، هو الي هايسعدنا و يفدنا فعلا و ده مش معناه تتشدد في الدين، لأ، ده معناه تكون وسط مرن مستعد انك تصلح نفسك و تغيرها للأحسن.

الحياة تجارب بتعلمنا نكون أحسن مش نكون أسوأ، الناس الي بتقول ظروف كفاية، ربنا بيمتحن قوتنا و إيمانا فكونوا قد الإمتحان….